Willkomme uf Speedsu.ch

Vill Spass bim Stöbere uf dere Siite. Es git es paar Iblick i mis Läbe und i mis Tue. Es stoht ned alles über mi drin, die wo mi kenned wüssed das. Es git immer no vill wo zu miner Privatsphäre ghört.

Und wer ke Bock uf das Layout hät wos do azeigt, der chan gern es anders Layout wähle, obe rechts am Bildschirm :-D. Also eifach usprobiere.

Euri Susanne alias Speedsu

---

Medienbiiträg über mich

11.09.09 Südostschweiz Bericht über die Masters WM in Teolo (Italien)	10.09.09 Zürichsee Zeitung Info über Masters WM in Padova
06.09.09 Südostschweiz Bericht über das X-Race in Berlin	24.08.09 Südostschweiz Bericht vom Linthmarathon in Tuggen
14.08.09 Südostschweiz Bericht vom one eleven	07.08.09 Südostschweiz Bericht vom Weltcup in Biel
14.07.09 Südostschweiz Bericht vom WIC und Schweizermeisterschaft Marathon in Zug	14.07.09 Zürichsee Zeitung Bericht vom WIC und Schweizermeisterschaft Marathon in Zug
30.06.09 Südostschweiz: Bericht vom WIC im Engadin	26.06.09 Südostschweiz: Bericht vom WIC in Zürich
19.06.09 Südostschweiz Bericht über den WIC Dijon, Certina Inlinerace Biel und Bergrennen Reigoldswil	05.06.09 Zürichseezeitung: Abschlussbericht Velokriterium Freienbach
Südostschweiz vom 27. Mai 09	Südostschweiz vom 4. Juni 09
Südostschweiz vom 10.06.09	Südostschweiz vom 22. Mai 09
Südostschweiz vom 8. Mai 09	Südostschweiz vom 12. Mai 09
Obersee Nachrichten vom September 08
Oberseenachrichten vom 2. Oktober 08
Südostschweiz vom 14. Dezember 08

 

 

Über mich...

Min Name isch Susanne Zellweger und i bim im Johr 1974 ufd Welt cho. Mis Pseudo isch SPEEDSU.

Mini gross Liedeschaft ischs Inlinskate. Das isch au de Grund gsi, dass i im Johr 2000 vo Spanie id Schwiiz zügled ha und im sunnige Süde mis ganze Läbe stoh und ligge gloh ha. I de Schwiiz hani de mis Läbe nü ufbaue und ha es eiges Dach überem Chopf und mini Viecher wo mi immer chli uf Trab halted.

Brueflich bini sälbständig und tue Websiite gstalte, mache grafischi Kreatione und widme mi de Fotografie. Zudem bini au fryi Mitarbeiterin bi de Zürichsee Zytig und bi als Korrespondentin bim Brichte und Fotografiere vo Aläss uf Achs.

Mis «alte» Läbe

Nachdem i d Schuel in Málaga (Andalusien) fertig gmacht ha, bini uf die Kanarische Inlse gange. Gnau gno uf Gran Canaria zmitzt i Turischtehochburg Playa del Ingles. zerscht hani bi de Eventfirma Fiesta consulting gschaffed und bi so is Showbusiness grate. Nachdem i so mini Erfahrige gsammled ha, bini zume Zauberer go schaffe als Assistentin. Die Position hät sich scho bald gändered und i ha so zimli s ganze Management und Choreografie vo dere Zaubershow übernoh. Mir händ grosse Erfolg gha und händ au Liveuftritt am TV becho. Nebedbii isch no gnueg Zyt blibe für Uftritt mit Livemusic und Interpretatione vo grosse Bühnelegende. De Tag dur hani no Springeri gmacht als Sportanimateurin i de grosse Hotels. Alles in allem hani es sehr bewegts und spannends Läbe gha woni für de Sport ufgeh ha.

Musical Cats hinter der Bühne	Cats uf der Bühne	im California
Cats uf verschiedene Bühne	oder nedbed der Bühne	eifach überall
Schnurrlichatze	So gsehts us nach 1.5 Stunde schminke
Gschwüschterti-Quartett isch bi allne Aläss gern ufd Bühni gholt worde.	und au Discotheke hät üses Quartet ned us gloh	und au als Sqaw im Doppelpack erfolgriich
Zauberduo «Skylight» mit Benito & Susana	Au i dere Show hani de Song Memory vo Cats ufgfühert.	I bi sogar bi de Erschtuffüehrig vom Musical Joseph debi gsi
Als Schlangebeschwöreri bini de aber doch a mini Grenze cho	Die Kanarisch Mannetracht chunnt mir doch au guet, oder?

 

Imitatione vo Cabarat, Liza Minelli, Cats und viles meh.	Au bim Zaubere hani alles geh

wiiteri Fotene folged...

Afang

Training

Live Tracking

Resultat

Verletzige

Mini Liebi fürs Rolle hät scho
mit 2-jährig agfange

So häts agfange...

Sit i öppe 15 jährig bi tue i scho skate. Zerscht halt eifach mit Plastikschue us der ABM. Aber hauptsach Rollle dra. Am Afang hani gar ned recht gwüsst was mit dene Dinger mache. I bi de mit Kollege chli uf Parkplätz ummekurft und mir händ so es Gaudi gah.

De im 98i häts mi de so richtig packt mit em Speedskate und i ha agfange seriös trainiere, damals no in Spanie unter der schöne Sunne... Im 99i bini i de Summerferie i de Schwiiz de mis erschte Renne gfahre am «Roll in» in Lache. Vo det eweg hani nur no s'Skate im Chopf gah. Darum bini am 10 Juni 2000 id Schwiiz zoge und nur paar Tag spöter bini de scho mis erschte grosse Renne um de Sempachersee gfahre. I de Kategorie Fitness bini de 20. worde, obwohl i zhinderscht hinte gstarted bi und die erscht halb Rundi um de See sind mir alli chli im Weg gstande und i ha ned Vollgas chönne gäh.

Mitlerwiile trainier i richtig konsequent und zwar au no i de Sportarte Rennvelo, Skike, Jogge, Bike und im Winter wenns mues si au Langläufle. S'Skate gfallt mir vor allem darum, wells technisch sehr aspruchsvoll isch und well mer fry isch i de Bewegige.

 

---

Training

 

Livetracking

Live Aufzeichnungen von meinen Trainings mit aktueller Position und Geschwindigkeit und zurückgelegter Route.
Karte in Vollbild anzeigen

---

Resultat

 

2009

Datum	Anlass	Distanz	Rang (Zeit)
04.01.09	Indoor Schweizermeisterschaft, Embrach	diverse	7.
15.04.09	Velokriterium, Freienbach	15 km	1. (0:24:21); 1. Sprint
22.04.09	Velokriterium, Freienbach	15 km	1. (0:25:21)
29.04.09	Velokriterium, Freienbach	15 km	3. (0:28:18)
01.05.09	Inlinekriterium, Mauren LI	19 km	8.
03.05.09	Hulftegg Staffete Team Appenzeller Vorderländerinnen als Bikerin		Team 1.; Bikestrecke 6.
06.05.09	Velokriterium, Freienbach	15 km	1. (0:23:58); 1. Sprint
13.05.09	Velokriterum, Freienbach	15 km	1.
20.05.09	Velokriterium, Freienbach	15 km	2.
23.05.09	SIC Sursee	42 km	12. (1:12.56)
31.05.09	FIC Besancon	42 km	7. (1:20,00)
03.06.09	Velokriterium, Freienbach	15 km	1. ; 1. Gesamtwertung
06.06.09	GIC Mittelrheinmarathon, Koblenz DE	42 km	10. (1:19.53)

 

2008

Datum	Anlass	Distanz	Rang (Zeit)
19.04.08	WIC Zug	40 km	38. (1:08.42)
20.04.08	Kriterium Uzwil	15 km	1. (27.39)
01.05.08	Rhein-Main-Challenge Frankfurt	75 km	3. (2:24.48)
03.05.08	WIC Sursee	43.5 km	53. (1:25.51)
24.05.08	MLP Marathon Mannheim	42.195 km	2. (1:22.34)
31.05.08	Bahn SM Weinfelden Elite Kurzdistanz	300 - 1500 m	10.
01.06.08	Bahn SM Weinfelden Elite Langdistanz	3000 - 10'000 m	-
01.06.08	Bahn SM Weinfelden Senioren Langdistanz	1500 - 5000 m	2.
11.06.08	Inline Abendrennen Brugg	25 min + 2 Runden	1.
13.06.08	Certina Inline Race Biel	21.6 km	1. (0:43.47)
21.06.08	WIC Weinfelden	45.5 km	37. (1:25.43)
28.06.08	WIC Engadin	42 km	42. (1:12.33)
05.07.08	SIC Einsiedeln	18.5 km	21. (0:30.18)
13.07.08	BaWü Römerstein	21.5 km	2. gesamt, 1. AK 30 (0:29.43)
27.07.08	EM Gera	42 km	2. (1:23.53)
03.08.08	WIC Zürich	44 km	22. (1:14.18)
09.08.08	WIC Biel	36 km	36. (1:06.15)
10.08.08	BAWÜ Friedrichshafen (Ailingen)	23 km	3. gesamt, 1. AK (0:43.04)
17.08.08	one eleven	114 km	7. gesamt, 3. AK (3:43.19)
20.08.08	Bergrennen Eptingen	4.4 km / 442 Hm	1. (0:24.46)
23.+24.08.08	Masterskriterium Gross-Gerau	div	3.
30.08.08	Inline Kriterium	18 km	1. (0:32.05)
06.09.08	Linthmarathon Tuggen	33 km	4. (0:57.32)
20.09.08	WM Masters Pescara	42 km	2. (1:31.13)
27.09.08	WIC Berlin	42 km	52. (1:13.58), 10. AK. (Sturz)
25.10.08	Glarner Stadtlauf	12.5 km	1. (0:26:59)
26.10.08	Hinterdörfler Chilbi, Schübelbach	10 km	1. (-)

bis 2007

Datum	Anlass	km	Zeit	Rang
08.07.07	SIC & SM Einsiedeln	18	0:32.17	5. gesamt, 3. SM, 1. AK30
30.06.07	WIC Engadin	42	1:05.23	42. gesamt, AK30 2.
17.06.07	WIC Zürich	35	1:05.39	46. gesamt, AK30 1.
17.06.07	MASTERS Weltmeisterschaft, Zürich	42	1:17.08	3. (Sturz!)
09.06.07	Inlinerennen WIC Weinfelden	45	1:14.56	36. gesamt, 1. AK30
20.05.07	Bahn SM, Weinfelden			1. Masters
19.05.07	Inlinerennen Schattdorf	14	0:24.58	1.
09.05.07	Velokriterium Freienbach	15		2.
05.05.07	WIC Basel, Teamzeitfahren	25	0:54.30	12.
29.04.07	Bahn Kriterium, Gross Gerau			64
25.04.07	Velokriterium Freienbach	15		2.
18.04.07	Velokriterium Freienbach	15		2.
07.01.07	Indoor Inline SM, Embrach			2. Masters
02.12.06	Gossauer Weihnachtslauf	4.1	0:11.18	1.
28.10.06	Glarner Stadtlauf	13	0:23:40	2
22.10.06	Hinderdörfler Chilbi	5		1.
09.10.06	Linthmarathon Tuggen	30	0:56:59	6.
03.09.06	BWIC Bitz	21		4. gesamt, 1. AK30
08. Juli 06	SIC Einsiedeln	18.2	0:30:11	10. Elite, 3. SM, 1. AK30
30. Juni 06	Velo Kriterium Absenden			1. Gesamtwertung
10. Juni 06	WIC Sursee	44	1:19:01	1. Breitenport, 1. AK30
31. Mai 06	Velo Kriterium Freienbach	15	0:26:46	1.
24. Mai 06	Velo Kriterium Freienbach	15	0:24:26	2.
17. Mai 2006	Velo Kriterium Freienbach	15	0:23:25	1.
10. Mai 2006	Velo Kriterium Freienbach	15	0:24:28	1.
3. Mai 2006	Velo Kriterium Freienbach	15	0:25:14	2.
19. April 2006	Velo Kriterium Freienbach	15	0:24:19	1.
1. April 2006	Tropheo Bononia	21	0:34,27	18. gesamt, 1. AK 30
4. Dezember 05	Lachner Weihnachtslauf (Laufen)	6		2.
3. Dezember 05	Gossauer Weihnachtslauf	6.1		2.
11. September 05	BIC D-Isny	16	0:31:52	2. gesamt, AK 1.
10. September 05	Mini SIC Linthmarathon	33	1:00:20	7.
4. September 05	BAWÜ D-Bitz	21	0:35:10	8. gesamt, 1. AK30
3. September 05	Bahnrennen Lenzburg			1.
21. August 05	Mini SIC one eleven (111er)	111	4:01:39	13. gesamt, 3. AK30
30. Juli 05	BAWÜ Friedrichshafen	21	0:42:47	6. gesamt, 1. AK30
16. Juli 05	SIC Zug	40	1:13:09	28. (Sturz)
9. Juli 05	SIC Einsiedeln SM	18	0:31:21	10. (7. SM)
2. Juli 05	SIC Vallée de Joux	33	1:03:30	22.
19.Juni 05	WIC Zürich	36	1:09:30	51. (Sturz am Start)
12. Juni 05	WIC Sempach	40	1:11:21	24.
5. Juni 05	Bahnschweizermeisterschaft Liestal			1. Senioren
28.Mai 05	SIC Biel	36	1:09:76	20.
21. Mai 05	Mini SIC Schattdorf	14	0:30:34	10.
8. Mai 05	Mini SIC Frauenfeld	38	1:13:11	12.
30. April 05	World Inline Cup Basel	30	0:55:46	25.
13. April 05	Mittwochabendrennen Amsteg			3.
21. Januar 05	Indoormeisterschaften Embrach			1.
4. Dezember 04	Gossauer Weihnachtslauf			4.
12. November 04	Glarner Stadtlauf			1.
17. Oktober 04	Enzo Ferrari Marathon I-Modena			2.
25. September 04	WIC Berlin			75. Gesamt, 7. AK30
19. September 04	Bayern Inline Cup Neu-Ulm			5. Gesamt, 3. AK30
18. September 04	Mini SIC Linth (Tuggen)			9.
12. September 04	Bayern Inline Cup Isny			6. (Sturz) gesamt, 4. AK30
21. August 04	Mini SIC Balterswil-Bichelsee			14.
14. August 04	SIC Bern			32.
08.August.04	one-eleven St. Gallen			75. Gesamt, 23. AK30
24. Juli 04	BaWü Singen (GER)			7. Gesamt, 1. AK30, 1. Staffel
17. Juli 04	SIC Zug			29.
10. Juli 04	SIC Einsiedeln			38.
8. Mai 04	Mini SIC Schattdorf			Sturz
1. Mai 04	World Inline Cup Basel			53.
11. April 04	Halbmarathon I-Bologna			17.

 

---

Verletzige

I dere Rurik gseht mer au Bilder wo ned grad apetitlich sind. Wenn du die Bilder wosch aluege, de eleige uf dini Verantwortig.
Vili Verletzige hättet chöne vermiede werde, wenn mer zmindescht Kevlar Schoner a gha hätti. I ha drus glernt und fahre d'Renne nur no mit Kevlar a Chnü und Ellboge.

Ja, ich bi iverstande und luege die Bilder uf mini Verantwortig a.

Afang

Bildgalerie Chatze

Bildgalerie Degus

 

 

Meine Tiere

vo lings nach rechts: Jackie, Linda, Zwergie, Diddl, Timida, Uiku

Degus Insgesamt han ich vier Degus, die läbed in zwei grosse Voliere mit vielen Äscht und Wühlmöglichkeiten. Diddl isch mis ältischte Deguwiibli. Si isch am 28.01.01 ufd Welt cho. Sie isch chli eigenwillig und setzt immer ihre Chopf dure, aber si isch au sehr zutraulich. D'Tocher vo de Diddl isch d'Zwergie, wo am 6.6.02 ufd Welt cho isch. Wo sie nur es paar Tag alt gsi isch, isch si us em Näscht ghiit und hät sich es Schädel-Hirn-Trauma zuzoge. Sie hät sich zwar wieder einigemasse erholt, liidet aber sither a motorischen Störungen und e Schädeldeformation. Mini zwei Yongsters sind die Gschwüschterti Jackie und Linda (Geb. 28.03.04). Sie sind bi mir iizoge, nachdem min einziger Degumaa Daggitt leider gstorbe isch. Die zwei sind chli schüch, wenn es aber ums Fresse goht, denn isch Jackie di gröscht Hamsterbacke. Leider isch Jackie mitlerwiile gstorbe. Ihre isch e Zah quer gwachse und hät ihre d'Zunge abklemmt, sodass sie abgstorbe isch. Jackie hät nümme chönne Fresse, ha sie am 10. Januar 09 müese ischläfere :-(((( Diddl hät sich es Bei broche, de Chnoche isch ned schön zämegwachse und hät ihre vill Problem gmacht. Sowiit sogar, dass sie sich ihre eiget Fuess abgfresse hät. Leider hät mer ihre nümme chönne helfe und sie hät müese igschläfered werde im Frühlieg 09

Chatze Vo de Chatze han i zwei Stuck, eis Wiibli und eis Männdli. Mis Wiibli hani vo mine Eltere becho. Sie heisst Tímida, will sie so schüch gsi isch. Sie ist ca. am 15.06.04 auf d' Welt cho. Tímida isch e ganz normale Huuschatz. Sie liebt es aber go spaziere zu goh mit mir. Sie folged wie e Hund, zur Beluschtigung vo anderne Spaziergänger. Wenn i wiiter go go spziere mit ihre, de nimm i si ad Leine zu ihrer Sicherheit, well es hät vill Hünd wo am liebschte Chatze jaged. Mis Katerli Uiku (Geb. 11.10.04) isch eher durch komische Umstände i mini Obhuet cho. I mine Ferie uf Mallorca isch de chli Wicht im Alter von zwei Wuche auf der Strasse gfunde worde. Ich hani ihn niened chönne unterbringe, und so hani ich ihn churzerhand im Flugi mit hei gno. Mit de Fläsche aufgezoge, isch er zume stattliche und dominanten Kater anegwachse. Als einizer «Mann» im Huus stoht er auf der Komandobrücke und der Rest muss sich ihm füge.

Bildgalerie Chatzefiecher

gstreckte Galopp, wenn mir amigs uf de Fuessbalplatz gönd fürs Sprinttraining	Tímida am Spaziere, ganz gmüetlich zottled si amigs hinter mir her	Stolze Kater, do weiss mer wer der Chef isch dihei
Uiku liebt Zahbürschteli, er chlaut immer mis usem Glas. Debi hät er ja do sis eigete zum Zähputze	e Blick seit meh als 1000 Wort	unterwegs gits halt au mol grosse Durscht
Vitamine müend au tanked werde, und wenns useme Erdbeeri isch	mis Mädi mues sich halt öppe verstecke wenns ihre z bunt wird	zum Glück isch de Stöpsel abunde, susch müsst i der immer go sueche
Timida im chliformat wo si no i de Berge bi mine Eltere gsi isch	de Zerstöhrigswahn kennt ke Grenze	voll im Spieltriib
Uiku lohts sich guet go uf de Sunneterrasse	Weltmeischteri im Hoch und Quersprung	müeds Meitli
Uiku erzieht grad de Beni, dass au er folged unter siner Herrschaft	Uiki im zarte Alter vo 2 Wuche, do isch er no friedlich und umgänglich si	frech am Güggsle
do isch das Flauschi aber no huere gross gsi...	Timida isch halt scho e bravi	früe üebt sich wer e grosse Bisser werde wott
gseht us wie im Gfängnis wenn sie zum Chällerfenschter usluegt	Uiku isch ez 5 Wuche alt und stinkfrech	us dere Position chan mer guet Degusluege
s Bisse ziet sich dur sis ganze Läbe	Tímida hät sich rüherend um Chli-Uiku kümmered

 

Bildgalerie Degus

Zwergie am zuezwinkere	Diddl mues immer go guene ebs öppis feins git	mis arme Zwergie, so gwagglig uf de Bei
Linda usnahmswiis mal gwundrig	au do rennt d Linde als schüchschti ned grad weg	Diddl weiss sich immer in Pose z'setze
Zwergie bunkered sis Grüenzüg	Jackie luegt au frech obe abe	und wieder mis Zwergie
e frisch geborene Degu	do wird der Nüzuezug (Jackie & Linda) vo de Altigfleischte (Diddl & Zwergie) beschnuppered	Diddl und Zwergie i de Siesta
Diddl isch ordentlich am Näschte und nimmt alles bruchbari	am bequemschte ischs halt im Ärmel	Fass Diddl, fass!
Zwergie schieled wieder obe abe	Didd und Zwerg	Wenn mer s'Törli ufklappte de klappt mer grad e Portion hungriger Degus mit use.
Lecker wenn do Popcorn am Bode ligged	Jackie hät mis Möbel abgfresse	Zwergie fröhnt au am Zerstörigswahn

 

Afang

Wärmesanierig Dach

Wämresanierig Wohnrüüm

Iibauchaschte

Terrassetür

Wand use

Terrassedach

Mein Hexenhäuschen

Das Hüsli isch min grosse Traum, wo Würklickeit worde isch. Dodrin gits immer öppis zum Baue und Renoviere und ich chan mi so richtig ustobe. Im Huus häts sechs chlini und heimeligi Zimmer.

Im Moment lebed do unter eim Dach mini Mitbewohnerin Jva und zwei Chatze und vier Degus.

Mis Huus ohni Grüenzüg rundumme.	Ruggsiite vom Huus.

Umbauten und Renovationen

Wärmesanierig Dachchammere

Im November sind mini zwei Dachchammere is Visier gno worde.

Dachchammere die Zweiti

Für die zweit Dachchammere hani mir de Hilf organisiert und es isch gange wie am Schnüerli.	So häts ursprünglich usgseh. Es hät dur alli Löcher zoge und mer hät veruse gseh ohni Dachfenschter!	De Beni hät mir Tatchräftig ghulfe die Latte ufe zbringe.
Hmmm, wie isch das scho wieder gange mit dem Maske alegge? Mues mer do no öppis gseh??	Min Job isch gsi alli Löcher dicht zmache mit dem stupfige Züg. Demol schaff i mit Maske, i wott nümme drü Täg lang Bluet rotze!	und so gsehts us wenns fertig isch. Schön....

Erschti Dachchammere
Die erscht Dachchammere isch die gröscht gsi und au chli schwierig gsi das eleige zmache, well mer schlichtweg zwenig händ gha hät.

Es Medizinball grosses Weschpinescht isch zum Vorschii cho. Zum Glück ischs nümme bewohnt gsi...	So hät die Dachchammere vor em Isoliere usgseh.
Heilandsack. Do gseh i grad a de Schindelwand vom Nachbarshuus ufe!	Sodele und so ischs fertig isoliert. Ned schön, aber wenigschtens dicht :-D.

 

Wärmsanierig Wohnrüüm

Im Oktober 2008 isch s'Huus wärmesaniert worde. Bim Abriss vo de bestehende Wänd isch zum Vorschii cho, dass i keinerlei Isolation zwüsched de Wänd gha ha! E dünni 1cm dicki Wand, dezue 1cm Luft und scho hät mer d Ussewand gsee. So isch es höchsti Zyt worde öppis zmache. D' Grobarbet hät d'Firma Rüegg, Kaltbrunn gmacht. D'Isolationsmatte han i iigschaffed und um de Strom hät sich min Papi und e guete Fründ kümmered

 

13 cm dicki Isolation sett mi vor der
Chälti schütze.

Alles dampfdicht iipackt und mit Gipswänd
gseht's scho fast wohnlich us.

---

IIbauchaschte unter der Stäge Uner der Stäge zu mim Zimmer häts so vill verlorene Platz gha. Drum hani im August 05 denkt i mach e Iibauschrank ine zum die Nische optimal nütze.	Zerscht mol Grundplatte für de Chaschte ibaue	so, dass si schön passt.
de hani no zwei flissigi Handwärker womer d'Rückwand inebaut händ.		Sodele - fertig isch min Chaschte :-D.

---

Nüi Terrassetür im Juni 05

 

Im Juni 2005 hani e Terrassetür mit Gitter ibaut. So hani immer schön frischi Luft im Schlofzimmer und mini Chatze stifled z'Nacht ned über alli Dächer und chönd aber glich useluege. Isch eigentlich ke grossi Sach gsi, aber der Effekt isch unübertrefflich.

 

 

 

 

 

---

Trennwand vo de Stube zum Esszimmer im Dezember 04
	Ganz spontan und ohni vill zstudiere hani ame chalte Dezembertag mini Stichsaagi packt und han eifach es Loch id Wand usegschnitte. Zufällig hani ufere Bustell im Abfallcontainer no usdienti Fenschterrähme gfunde. Die hani de grad rundumme ibaut und gstriche. So machts mini Stube zum gmüetliche Fernsehluege und mis Esszimmer zum Gäscht empfange vill grösser und heller.

---

Terrasse Überdachig im August 04

 

Mini Terrasse hät es Dach becho, dass es mir ned grad is Zimmer ine regned, wenns würkli schüttet. Aber au susch isch es ganz praktisch zum dusse öppis mache oder höckle, ohni dass mer nass wird. Au zum Wäschtröchne ischs prima geigned.
Spatestich mitem erschte Pfoschte fürs Terrassedach		S'Grüscht schot schomol
Au vo obe abe verhebeds mis Gwicht		Sodele und so gsehts fertig us

 

Blog-Iträg

Alles was passiert und mir dur de Chopf goht landet do ine. Fruscht und Freud wird vereint.

 

 

---

17.11.09 / 10:48 Ortszyt
Obdachlos und kes Bett me....

Ez isch es doch endli sowiit dass mis Huus chan umbaue werde nach dere lange Planigsphase. Irgendwie isch mir glich chli mulmig ir Magegegend. Zumal i ja mis komplette Schlofzimmer temporär verlore ha und ez nur no notdürftig pfuuse, sofern mer dem überhaupt chan pfuse säge. Sit zwei Nächt hani chum es Aug zuetue.

So lauf i ez scho nachere knappe Wuche Bauzyt scho ufem Zahfleisch. I hoffe, dass i mi gli a die Situation gwöhne. Susch mues mi eifach d Vorfreud uf mis nüe Schlofgemach und Büro dur die Zyt dure träge.

---

16.10.09 /13:13 Ortszyt
Glück mues mer ned ir Ferni sueche, wenns doch so nah liit

Es isch mir mol wieder bewusst worde, dass es ned vill brucht zum glücklich si. Es sind die chline Sache im Alltag wos Läbe läbenswert mached. mer mues sich nur Zyt neh anezluege. Was nützts eim uf unereichbars Glück zplange mit vill zGrossem Massstab, wenn mer debii die reale und alltägliche Glücksmoment überseht?

Also eifach gnüsse und glücklich si.

---

26.08.09 / 10:21 Ortszyt
Akute Virebefall macht mir s Läbe schwer

Agfange häts bi mim herzige chline Netbook Fridolin. Der hät frisch fröhlich Spammails verschickt, bis ich ned mol me ha chönne Maile. Ok, nachdem i denkt ha, dass i alles killt gha ha, häts mir grad no d Feschtplatte butzt. Villicht hani doch chli zu vehement mini Bootvire killt. Jva hät au no grad e Trojaner uf ihrem Laptop gha, der hät sich strickt gweigered glöscht zwerde. Mues die Chischte wohl nü ufesezte.

Uf jede Fall hani ez voll d Virephobie und check alles zig mol über verschideni Spy-, Vire-, Trojaner- und suschtigi Software. Bi grad dra min alte Laptop zprüefe. Der lauft so heiss vo dene Vireprogramm, dass er grad abstellt. Grmpf! Han ez halt no e extrene Venti aghänkt. Aber der Kampf de Vire isch agseit, i mach alli z Bode!!!!!!

---

23.07.09 / 8:37 Ortszyt
Mini Vorschläg für Gsetzeänderige

Im Strosseverkehr lauft ja einiges eher chaotisch als harmonisch und entspannend. Und ich mit Skates oder Zweirad unterwegs bi eifach immer der Schwächer und mängisch hani s'Gfühl, dass es s'einzig Zyl vo de Autofahrer isch, mich über de Huufe zfahre. So hani entschiede, dass ich gsünder und länger läbe, wenn i uf de Stross skate und Trottoir wiitrümig miide tue.

Aber de Grund woni mi eigentli ufrege isch, dass i geschter Obe, woni mitem Töff uf Wiifelde gfahre bi, im Fyrobigvercher notorischi z'Langsamfahrer und landwirtschaftlichi Fahrzüg vor mir gha ha. Wo i de ufem Ricke endlich der notorisch 40 km/h Fahrer ha chönne überhole isch natürli nüt anders dri ghockte als e scho bald schiitote Bappeli. Hinter sich häts natürli e riise Kolone geh. De hani mol paar km fryi Fahrt gha, de hani e Traktor vor de Fressi gha und dezwüsched öppe no 20 Auto. Super, do chumi ned mol mitem Töff so eifach führe. Irgendwenn isch die Hürde au gschafft gsi und promt stoht wieder so e Traktor mit mega Ahänger am Afang vor de Kolone. I ha schier i Länker bisse. Chan mer dene Buure eigentli ned verbüte während em Fyrobigsvercher d'Hauptsrosse znutze? Das macht Fahrer nur agressiv und es mutiered us eigentlich gmüetliche und relaxte Fahrer richtigi Verkehrsrowdis. Nach 1.15h bini denn doch endlich in Wiifelde acho. Bi scho huere glade gsi fürs Training. Und nachher bini no gladner wieder heigfhare, ha denn aber nur 50 min brucht :D und mues zueghe, es hät mi ke Polizii derfe gseh...

Also mini persönlich Gsetzesreform:

• Verbot für Landwirtschaftlichi Fahrzüg zu Stosszyte zwüsched 7.00 - 8.00h und 16.00 - 18.00h
• Strofe bis hi zu Füehreruswiisentzug für z'Langsamfahrer mit Toleranz vo 5 km/h
• Strosse fry für Inliner, es passiert vill weniger, wenn mer uf de Stross skatet!

---

14.07.09 / 10:54 Ortszyt
Ha e Bronzemedaille becho a de Marathon Schwiizermeischterschaft

Hui, nach dere derbe Niederlag in Einsiedle hanis ez doch gschafft a de Marathonschwiizermeischterschaft e Medaille zhole. Im Sprint simmer chli im Durenand gsi, aber isch ufgange und i bi grundsätzlich zfriede mit em Ergebnis. Es hät mi vor allem gfreut, dass Brasils so e riese Freud gha händ dass Livia und ich ufem Podescht gsi sind.

Für alli wo no nie e Medaille vonere Schwiizermeischterschaft gseh händ chönd ez do im Bild mol luege wie so öppis usgseht. Nur ei Frog blibt no offe: Simmer ez Inlineskater oder Isschnelläufer?

---

08.05.09 / 13:25 Ortszyt
Hilfe! Zyt überrännt mi

Irgendwie hani so vill im Chopf woni wett schriibe aber Zyt lauft eifach wiiter, ohni uf mich z'warte. Passiert isch wieder einiges. Erscht mol isch ja s Wetter so leid gsi, dass i mit miner Mueter nomol in Süde gflüchted bi und zwar uf Mallorca. Die Wuche hät ned nur em Training gulte, sondern eher fürd Erholig und zum e gueti Zyt mit mine Kollege zverbringe woni scho mängs Johr nümme gseh ha. Die Wuche isch so schnell umme gsi, dass mi dihei grad wieder der Alltag packt hät. Priorität hät denn em Schaffe gulte.

Sportlich bini au scho wieder id Saison gstartet. Vorwiegend bini Velorenne gfahre, das liit mir momentan besser. Au hani a de Hulfteggstaffete mis erschte Bikerenne hinter mich brocht. Bi halt scho e Pfiife gsi wos nitzi gange isch. Berguf hät i guet möge mithebbe. Ha mi ez entschiede am Sunntig jewiils chli Downhill zfahre zum mi entspanne (oder eher verchrampfe?).

Mis Huus isch au mol wieder inere Umbauphase. Das heisst d Planig für de Umbau isch gstartet. Das wird au no chli Zyt in Aspurch ne, aber i freu mi ez scho usiinig ufs Endergebnis.

 

---

05.03.09 / 20:27 Ortszyt
De Früehlig hät üs glaub vergesse...

Wenn i do vo de wame Stube zum Fenscher us luege, de gseh i grossi Schneeflocke. Das betrüebt mi scho chli, es wär würkli öppe Zyt dass de Frühelig chunnt. So chani mi gar ned motiviere zum Trainiere. Usserdem isch ja am Sunntig no de Engadiner Skimarathon, und i bi das Johr no gar nie uf de Langlauflatte gsi. Das wird mir wieder es Liide geh uf den 42 km. Aber i machs ja us Plausch und de chas au guet sii, dass mer mich am Loiperand am Fötele atrifft :-D.

Zum min Winterkoller überwinde hani defür chönne es nüs Bike uswähle. Ok, mitlerwiile mis vierte Velo im Chäller :-D, Aber mer brucht halt scho so vill Velos, well je e Renner und es Bike für guets oder schlecht Wetter isch Minimalaforderig ;). Ez freu i mi druf, wenn mis nüe Bike denn nägscht Wuche sett glifered werde.

---

17.02.09 / 12:12 Ortszyt
Brrr, eifach nur no grusig!

De Schnee und das grusige Wetter hät mi zrugg. Ungern bini vom Paradies weggfloge. Ned nur wegem Wetter wär i no gern uf miner Insle blibe. Han au mini Mitbewohner sehr is Herz gschlosse. Sie händ mi so lieb ufgno gha.
Nachdem i geschter wieder min erschte offizielle Arbetstag gha han und mi grad für 14 Stund im Büro vergrabe ha, gseh i hüt wieder langsam übers Chaos us. Zum de Kulturschock no perfekt z'mache bini am Sunntig no mit der Kamera ufem Buggel über de Büchel gloffe und ha die Schneelandschaft feschtghalte.

		ohni Wort...

 

---

3.02.09 / 17:19 Ortszyt
Biketour zum Stausee Chira

Es isch eifach der perfekti Tag gsi. Zerscht bini zwar chum us de Federe cho. Bi au ned so motiviert gsi die Tour eleige zfahre, aber die Gfühl sind de schnell verfloge gsi woni lospedaled bi. Die Stiigige mit bis zu 22% händ mi de scho wach gmacht. Und falls das ned glanged hät isch no so e chline giftige Kläffer hinter mir her gschosse, dass i voll id Ise ha müese stiige Berguf zum ned no gfresse werde. Aber de hät e iidrücklichi Welt agfange. Die Insle hät so vill schöns zum gseh, do weiss mer gar ned wo mer überall sell aneluege. I jedi Schlucht womer inefahrt isch es wie es Iitauche ine anderi Welt. Scho gli mol isch ke Stross mit Asphalt me umme gsi und i bi e Weg mit roter Erde wiitergfahre. Recht agnehm isches gsi, wells nümme grossi Stiigige gha hät und de Bode relativ weich gsi isch, dass i au mit mim Hardtail ha chönne komfortabel Velofahre. Ok, de Komfort isch de gli mol vergesse gsi, denn ischs würkli nur no über Stock und Stei gange und i ha vome Fully-Bike träumt, jedesmol wenns mir wieder de Sattel zwüsched Bei gschlage hät, oder i wieder de quereweg übers Züg us grutscht bi.

Candlelight-Dinner am Stausee
So richtig entspannt hani de bim Mittagesse am Stausee Chira. Mi Rucksack hät zwar nur es Chäsbrötli und e Banane hergeh, aber es isch mir vor cho wie es Candlelight-Dinner. Und wie abgmacht isch genau i dem Moment de Dennis mit siner Bikergruppe anegfahre. I ha scho müese schmunzle woni gseh ha mit was für Antisportler er sich hät müese abquäle. Die schnellere Biker i siner Gruppe sind au liecht agnervt gsi, dass es settig debi gha hät, wo ned mol rächt händ chönne d'Schaltig bediene. Do bini eigentlich doch recht froh gis, dass i elei unterwegs gsi bi und uf niemer ha müese rücksicht näh.
Nach dere Pause hani no de letscht Hoger in Agriff gno bis uf 1200 Meter ufe. D'Wulche sind mir immer nöcher cho und de hani churzfrischtig entschiede über San Bartolomé zrugg zfahre. Han mir bim Abeflitze würkli schier öppis abgfrore, aber zum Glück isch es zwüschedure immer wieder chli oppsi gange zum mi ufwärme. De letscht Ufstiig nach em Dörfli Fataga isch happig gsi. Ok, i bi selber Schuld, i ha au no müese e Gruppe Rennvelofahrer überhole und de e churze Machtkampf mit dene usmache. Aber hauptsach i bi zerscht dobe gsi :-D

Abschiedsdrunk
S'Timing hät au wieder gstumme woni de dihei acho bi. Genau denn sind die erschte Happy-Biker au dunne gsi - sie händ ja die Tour in umgekehrter Richtig gmacht. I ha schnell s'Velo is Stägehus versorged und bi no schnell überd Stross id Bar zum eis go Trinke mit ihne. Es isch de fascht no e halb Stund gange bis au die letschte Biker meh oder weniger ohni Sturz de Hoger abe cho sind. I de zwüschezyt händ sich au no e Gruppe Freemotioner id Bar igfunde. So häts doch no für e heisse ColaCao glanged zum die verstrampelte Cholehydrat wieder nachezfülle.

mis Bike i de Pampa	geniali Wägli zum Bike	Stausee Chira mit em Roque Nublo im Hintergrund

 

---

27.01.09 / 18:24 Ortszyt
Fraue und Fische... ;(

Die Fischerii goht mir hüt ordentlich uf de Senkel. Bi ez ja scho s'dritt Mol go fische. Zerscht Mol hani immerhin vier Fisch hei gschleppt. S'Mol druf bini nur ganz churz go fische, aber wells nüt bisse händ, bini wieder hei. Und hüt bini mit em Käthy go fische. Hät scho schlecht agfange, denn i bi voll uf de kläbrig, eklig Köder ghocked. Und de hani es usinnigs Gwirr uf der Spuele gmacht, dass i sogar ha müese Silk useschniide. De Chübel hani au ned mit Wasser chönne fülle, wells so gwellned hät, dass i fascht inegfloge bi. Zum Glück hät mir min Fischernochber Antonio mit eme Seil ghulfe zum Wasserschöpfe. Bi de scho voll abgnervt gsi, bevor i mini «Gambas» badet ha! Ja, aber chum hani die usegworfe, de häts voll krass afa bisse, aber nur so chlises Züg wo nur de Köder abknabbered hät. Gli drufabe hani de e Fisch dra gha: «Ich han en, ich han en - gha....» Und weg isch de Choge gsi. Mitem Zweite ischs mir de genau glich gange, eifach hani der ganz wortlos welle as Ufer zie, zum mi ned nomol so blamiere.

20.01.09 / 20:49 Ortszyt
Mini erschti Biketour

Für der Itrag bruch i ned vill Wort. Die schön Landschaft mues mer eifach gseh ha! Es hät sich also glohnt de Berg uf zchraxle. Nur leider isch mis Bike (Hardtail) halt ned für so grobi Streckene geignet und unterwegs isch mir so allerhand Züg vom Bike weggspickt. Am Schluss hanis praktisch in Einzelteili heibrocht :-D Aber die liebe Jungs händ min Drohtesel schnell wieder uf Vordermaa brocht. Mis Hinter brucht glaubs nochli länger bis das wieder isatzfähig isch. Woni de s zweit mol mit de Tourischte die Tour gfahre bi, de hanis mitem Fully gmacht. Au Frau lernt...

Sicht in Barranco zume chline Dörfli	gfährlichi Abfahrt bevor mer ufd Strass vo Fataga chunnt	Riisigi Felse us durlöcherete Lavastei

---

20.01.09 / 20:30h Ortszyt
Gran Canaria hät mi wieder zrugg

Sit em Mittwuch, also ez de scho ei Wuche bin i wieder uf Gran Canaria. Die Zyt lauft wahnsinnig schnell und i ha au scho so vill unternoh. Meischtens bini go Bike. Aber au Skate tue i flissig. Also woni acho bi isch scho spektakulär gsi mit mim Gepack und em Bike debi. Bi de zfuhl gsi zu bis zur Busstation z laufe und a eifach gfroged, eb i miteme Tourischtetransfer chan mitfahre. Das hät au prima klapped, er hät mi im letschte Hotel in Maspalomas usglade. Und de bini det im Gjätt us gstande mit em ganze Plunder. Ha mi welle zur nägschte Taxistation schleppe. De fahrt de Chauffeur vom Transfer nomol e schlaufe und frogt wo i de ane mües. Ha de erklärt, dass ich eifach irgendwie uf der Hoger det hinde ufe mues. Ich ha schiinbar so bemitleidenswert usgseh, dass er mi grad wieder ufglade hät und genau vor de Hustür vo minere zuekünftige WG abgsetzt hät. Git ebe doch no netti Mensche uf dere Welt :D

I de WG hani de mini nüe Mitbewohner kenneglernt. Sind drü Jungs us Dütschland und Holland. Mir händs guet mitenand. Sind alles Biker oder Rennvelofahrer. Also sind mir alli chli pikt und verstönd üs prächtig.

D'Frontasicht wo üsere WG	Dachterrasse uf de WG	Holländischer Mitbewohner Dennis am Doppelburger mampfe

 

---

07.01.09 / 17:14
Ez gohts de gli ab uf Gran Canaria :-D

Hüt isch nuno ei Wuche und de bini im Sunnige Süde. Heilandsack, mues ja no alles packe und organisiere, das wird e huere Stress. Aber i freu mi umso meh wenn i de dunne bi i de WG mit de 3 Jungs.

Linggs

Sportlinggs Alles ums Inlineskating www.aktuelle-fotos.ch.vu Alles übers Inlineteam vo de Bontgirls www.bontgirls.ch.vu Alles über mini Trainings mit Fotis www.gps-sport.net/users/speedsu	Fründschafts-Linggs Käthy Eisenhut www.kaethy-eisenhut.ch Nicole Sommerhalder Bildgalerie selbstgemalt
Fotografielinggs Referenzfotografie us miner Hand http://alphaomega-publishing.com/_komponenten/fotogalerie/

Impressum

Verantwortlich für d'Websiite

Susanne Zellweger
Dorfstrasse 5
8717 Benken
Telefon: 055 283 4310

Mail:

Haftigsusschluss

• Verantwortig
  I über nimme ke Verantwortig über d'Aktualität und Korrektheit vo dem bereitgestellte Informationsmaterial. I übernimme au ke Haftig über eventuell entstandeni Schäde dur d'Nutzig oder ned Nutzig vo de bereitgestellte Informatione.
• Verwiis und Linggs
  Bi direkte oder indirekte Verwiis/Linggs uf fremdi Internetsiite übernimm i ke Verantwortig für de verlinggti Inhalt. Verantwortlich isch det der jewilig Usegeber vo de verlinggte Siite.
• Kopierrecht
  Ich ha alleinige Recht uf mini Texte und Bilder woni uf dere Siite veröffentlicht ha. Also mer derf mir nüt für anderi Verwendigszweck stibitze.